Mince baru pulang dari Jakarta. Mince orangnya gesit dan banyak akalnya. Satu kali, dia pe tamang undang di pesta (reunion). Jadi dia ka salon. Karna sendirian jadi dia cari tamang.

Akhirnya Mince pigi deng anak kecil. Abis gunting rambut dan so hodeng, skarang giliran anak itu ba gunting rambut.

"Tunggu sabantar nech, kita mo beli minum."
Anak itu dudu di kursi salon. Tunggu sebentar, itu nona so klaar gunting rambut anak itu. Kong nona suruh anak itu dudu di kursi tamu. (depe mama belum muncul).

Karna anak itu so lama dudu manis di kursi tamu, itu nona datang pa anak itu, deng muka brot.

Nona Salon: Anak, ngana pe mama so lupa stow pa ngana di sini. Ngana bole telpon akang pa ngana pe mama? torang somo tutu kwa tu salon!"

Anak: Itu bukang kita pe mama. Torang cuma baku dapa di jalan kong dia bilang pa kita kalu suka mo gunting rambut gratis.

Nona Salon: ????!!!!!!