Opa kwa so tua. So 80 taon. Deng dia lei ada panyaki mata. Biasa so tua. Satu kali opa sementara ba nonton TV, tiba2 opa pe saki mata kambuh. Opa pangge pa Alo, depe cucu.

Opa: Alo, ambe akang itu opa pe obat tetes mata, napa opa pe mata so saki.

Alo: Opa kita sementara makang ini.

Opa: Ambe capat, opa somo buta ini.

Alo: Iyo dang opa, ada dimana itu obat?

Opa: di atas kulkas.

Alo: Yang penutup putih?

Opa: Iyo, bawa jo kamari.

Alo: (dia bawa pa opa itu obat tetes mata). Ini opa,

Opa: Alo, opa so ndak bisa baca (opa sementara tahan tu opa pe mata), baca akang kamari depe aturan pake, opa so lupa.

Alo: "teteskan dan diamkan selama dua menit."

Opa: (opa teteskan di mata, kong tunggu 2 menit).

( dua menti kemudian )

Opa: Alo, kiapa opa pe mata so nyanda ta buka???

Alo: Kita nintau opa.

Opa: Coba ngana baca akang depe merek?

Alo: (Alo baca keras2) merek UHU.

Opa: Ado Aloooooooooooooooo..... (opa bataria krasss---dia tapikir itu lem uhu).